BAADA YA KUSHINDWA KUWASAIDIA WALEMAVU WA TANZANIA, SASA YAAMUA KUWADIDIMIZA KABISA KWENYE AJIRA ZAO BINAFSI.

Mnamo tarehe 20/03/2014 Serikali ya Tanzania kupitia mkuu wa mkoa wa Dar es salaam ilitangaza Oparesheni  ya kuzuia Bajaj, maguta, Bodaboda, na  Maloli, kufisa katika ya jiji kwa madai yasio na sababu za msingi, tena bila kuwapa kipaumbele watu wenye ulemavu pia bila kujali wala kujiuliza  kuwa kuwazuia walemavu wasiingia katikati ya jiji na kuwawekea mpaka kuwa mwisho sehemu flani ni sawa na kumwambia mtu asie mlemavu kuwa tumia miguu yako  lakini usifike sehemu flani kitu ambacho ni cha ajabu na cha kushangaza sana, na ambacho hakijawahi kufanya na nchi yoyote Duniani.

Kwa uelewa wangu mdogo naamini kuwa kila Serikali au Taasisi inapotaka kufanya kitu au maamuzi yoyote lazima iweke makundi maalum kwenye mjadala ili pindi watakapotoa maamuzi, maamuzi yasije yakawaumiza watu wenye Ulemavu  na ni utaratibu unafanya popote pale penye makundi maalum kama ilivyo kwenye usafili wa Bajaj Jijini Dar es salaam.

Pia nasikitika kuwa ni serikali hii hii ndio hutoa vipaumbele kwa watu wenye ulemavu wkati wa kupiga kula wakipita kutangaza kwa vipaza sauti na kwenye vyombo vya habali kuwa "ndugu watanzania tuwa ndugu watanzania tunapenda kuwatangazia kuwa wakati wa kupiga kula tuwapishe watu wenye ulemavu waende mbele na wasipange foleni na wakati mwingi tunawekewa msitali wetu,
 je? huruma ile huwa ya kinafiki na kama sio ya kinafiki kwanini istumike na wakati huu hasa kwenye swara hili la bajaj kuzuiliwa kuingia mjini?

naomba mtambuwe kuwa Bajaji kwa watu wenye ulemavu  ni miguu yao hivyo haiwezekani mkaiwekea mipaka  kwa hili haliwezekani, toka lini mguu wa mtu ukawekewa mpaka?

Baazi ya bajaj za watu wenye ulemavu zilizokamatwa na majembe kwa agizo la Sumatra.


ikiwa Rais wetu wa Jamhuli ya muungano wa Tanzania alisaini  Mkataba huu wenye kuheshimu maswala ya watu wenye ulemavu kama unavyomeka

''Ibara ya 17

Kuheshimu tofauti za kimaumbile

Kila mtu mwenye ulemavu anayo haki ya kuheshimiwa kwa ukamilifu wake kimwili na kiakili kwa misingi ya usawa na watu wengine.

Ibara ya 18

Uhuru wa mtu kwenda atakapo na kuwa na utaifa

1.     Waliouridhia Mkataba huu wanatambua haki za watu wenye ulemavu za kuwa huru kwenda popote watakapo, uhuru wa kuchagua makazi yao na utaifa kwa misingi iliyo sawa na watu wengine.''

Je/ kwanini walemavu wa Tanzania hatusaminiwi kama mkataba wa Kimataifa unavyosema?

''Ibara ya 20

Matembezi binafsi

Waliouridhia Mkataba huu watachukua hatua madhubuti za kuhakikisha kuwa watu wenye ulemavu wanajitegemea kwa kadri inavyowezekana katika kumudu kutembea ikiwa ni pamoja na:

(a)  Kumwezesha mtu binafsi mwenye ulemavu kutembea kwa namna na wakati anaotaka mwenyewe na kwa gharama atakayoimudu;''.